പാരീസ്: ചെക്ക് താരം കരോലിന മുച്ചോവ ഫ്രഞ്ച് ഓപ്പൺ സെമിയിൽ. അനസ്താസിയ പവ്ലൂചെങ്കോവയെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് കരോലി മുച്ചോവ അവസാന നാലിൽ പ്രവേശിച്ചത്. സ്കോർ: 7-5, 6-2. പാരീസിൽ സെമി കളക്കാൻ തയാറെടുക്കുന്ന മുച്ചോവയുടെ രണ്ടാമത്തെ മാത്രം ഗ്രാൻഡ്സ്ലാം സെമിയാണ്.
അതേസമയം, മുൻ ജേതാവ് സെർബിയയുടെ നൊവാക് ദ്യോകോവിച്ച് ഫ്രഞ്ച് ഓപ്പൺ പുരുഷ സിംഗിൾസിൽ ക്വാർട്ടർ ഫൈനലിൽ പ്രവേശിച്ചു. പെറുവിന്റെ യുവാൻ പാബ്ലോ വാരിയസിനെ 6-3, 6-2, 6-2 എന്ന സ്കോറിന് അനായാസം തോൽപിച്ചാണ് ദ്യോകോ അവസാന എട്ടിലെത്തിയത്.