കേന്ദ്രം മര്യാദ പാലിച്ചില്ല; ടോള്‍ പിരിവിന്റെ കാര്യത്തില്‍ സംസ്ഥാന സര്‍ക്കാരിന്റെ അഭിപ്രായം മാനിച്ചില്ല; കൊല്ലം ബൈപ്പാസ് ടോള്‍ പിരിവിനെതിരെ ജി സുധാകരന്‍

കൊല്ലം : ബൈപ്പാസില്‍ ടോള്‍ പിരിവിനെതിരെ രൂക്ഷ വിമര്‍ശനവുമായി പെതുമരാമത്ത് വകുപ്പ് മന്ത്രി ജി സുധാകരന്‍. കേന്ദ്രം മര്യാദ പാലിച്ചില്ലെന്നും ടോള്‍ പിരിവിന്റെ കാര്യത്തില്‍ സംസ്ഥാന സര്‍ക്കാരിന്റെ അഭിപ്രായം മാനിച്ചില്ലെന്നും ജി സുധാകരന്‍ കുറ്റപ്പെടുത്തി.

കൊല്ലം ബൈപ്പാസിന്റെ പാതി തുക മുടക്കിയത് സംസ്ഥാനമാണ്. എന്നിട്ടും ടോള്‍ വേണ്ടെന്ന സംസ്ഥാനത്തിന്റെ അഭിപ്രായം കേന്ദ്രം ചെവിക്കൊള്ളാന്‍ തയ്യാറായില്ല. ജില്ല കളക്ടറിന്റേയും പൊതുമരാമത്ത് വകുപ്പിന്റേയും അനുവാദം വാങ്ങാതെയാണ് ടോള്‍ പിരിവ് തീരുമാനിച്ചതെന്നും ജി സുധാകരന്‍ കുറ്റപ്പെടുത്തി.