ന്യൂയോര്ക്ക്: ഗെയിം ഓഫ് ത്രോണ്സ് പരമ്പരയിലൂടെ പ്രശസ്തനായ നടന് ക്രിസ്റ്റോഫര് ഹിവ്ജുവിനും കോവിഡ് 19 രോഗം സ്ഥിരീകരിച്ചു. കൊറോണ വൈറസ് പരിശോധന ഫലം പോസിറ്റീവ് ആണെന്നു താരം തന്നെയാണ് ഇന്സ്റ്റഗ്രാമിലൂടെ അറിയിച്ചത്. ഗെയിം ഓഫ് ത്രോണ്സില് ടോര്മുണ്ട് എന്ന കഥാപാത്രത്തെയാണ് ഹിവ്ജു അവതരിപ്പിച്ചത്.
കോവിഡ് സ്ഥിരീകരിച്ചതിനെ തുടര്ന്ന് കുടുംബത്തോടൊപ്പം നോര്വേയിലെ വീട്ടില് ക്വാറന്റൈനില് കഴിയുകയാണ്. തങ്ങളുടെ ആരോഗ്യസ്ഥിതി തൃപ്തികരമാണ്. ജലദോഷം പോലുള്ള ചെറിയ രോഗലക്ഷണങ്ങള് മാത്രമാണുള്ളതെന്നും ഹിവ്ജു ഇന്സ്റ്റഗ്രാമില് പോസ്റ്റ് ചെയ്തു.