മമ്മൂട്ടി കേന്ദ്ര കഥാപാത്രമായെത്തുന്ന പുതിയ ചിത്രമാണ് ഗാനഗന്ധര്വ്വന്. രമേഷ് പിഷാരടിയാണ് ചിത്രത്തിന്റെ സംവിധാനം നിര്വ്വഹിക്കുന്നത്. പഞ്ചവര്ണ്ണ തത്ത എന്ന ചിത്രത്തിനു ശേഷം രമേഷ് പിഷാരടി സംവിധാനം നിര്വ്വഹിക്കുന്ന ചിത്രമാണ് ഗാനഗന്ധര്വ്വന്. ചിത്രത്തില് ഗാനമേള ഗായകനായ കലാസദന് ഉല്ലാസ് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്.
ചിത്രത്തിലെ ‘ആളും കോളും…’ എന്നു തുടങ്ങുന്ന ഗാനത്തിന്റെ ലിറിക്കല് വീഡിയോ ആണ് അണിയറപ്രവര്ത്തകര് പുറത്തുവിട്ടിരിക്കുന്നത്. സന്തോഷ് വര്മ്മയുടേതാണ് ഗാനത്തിലെ വരികള്. ദീപക് ദേവ് സംഗീതം പകര്ന്നിരിക്കുന്നു. ഹരിശങ്കര്, ജീനു നസീര് എന്നിവര് ചേര്ന്നാണ് ആലാപനം.
പുതുമുഖ താരം വന്ദിതയാണ് ചിത്രത്തില് നായികാ കഥാപാത്രമായെത്തുന്നത്. രമേഷ് പിഷാരടിയും ഹരി പി നായരും ചേര്ന്നാണ് ഗാനഗന്ധര്വ്വന് എന്ന ചിത്രത്തിന് കഥയും തിരക്കഥയും സംഭാഷണവും ഒരുക്കിയിരിക്കുന്നത്. മുകേഷ്, ഇന്നസെന്റ്, സിദ്ദിഖ്, സലീം കുമാര്, ധര്മജന് ബോള്ഗാട്ടി, ഹരീഷ് കണാരന്, മനോജ് കെ ജയന്, സുരേഷ് കൃഷ്ണ, മണിയന്പിള്ള രാജു, കുഞ്ചന്, അശോകന്, സുനില് സുഖദ, അതുല്യ, ശാന്തി പ്രിയ തുടങ്ങി നിരവധി താരനിരകള് അണിനിരക്കുന്നുണ്ട്.