മുംബൈ : പറന്നുയരുന്നതിനിടെ ബെംഗളൂരു – അഹമ്മദാബാദ് ഗോ എയർ വിമാനത്തിന്റെ എന്ജിനിൽ ചെറിയ തീപിടിത്തം. തീയണച്ചെന്നും എല്ലാ യാത്രക്കാരും സുരക്ഷിതരാണെന്നും ഗോ എയർ കമ്പനി അറിയിച്ചു. വിമാനം റൺവേയിൽനിന്നു മാറ്റി. അതേസമയം, വിമാനത്തിൽ എത്രപേരുണ്ടെന്ന് പുറത്തുവിട്ടിട്ടില്ല.
ഗോഎയറിന്റെ ജി8 802 വിമാനത്തിന്റെ വലതുഭാഗത്തെ എൻജിനാണ് തീപിടിച്ചത്. ഫോറിൻ ഒബ്ജക്ട് ഡാമേജ് (എഫ്ഒഡി) ആണെന്നാണ് നിഗമനമെന്നും കമ്പനി വാർത്താക്കുറിപ്പിൽ അറിയിച്ചു.