കോട്ടയം: അടുത്ത ജനുവരി 15 മുതല് സ്വര്ണാഭരണങ്ങള്ക്ക് കേന്ദ്രം ബി.ഐ.എസ് ഹാള്മാര്ക്കിംഗ് നിര്ബന്ധമാക്കി. എന്നാല് ഉപഭോക്താവിന്റെ കൈവശമുള്ള പഴയ സ്വര്ണാഭരണങ്ങള് വില്ക്കാന് തടസമില്ലെന്നും ഓള് കേരള ഗോള്ഡ് ആന്ഡ് സില്വര് മര്ച്ചന്റ്സ് അസോസിയേഷന് വ്യക്തമാക്കി.
സ്വര്ണത്തിന് വിപണി മൂല്യം കിട്ടുകയും ചെയ്യുമെന്ന് ഭാരവാഹികള് പറഞ്ഞു. പഴയ സ്വര്ണം കൈയിലുള്ളവര് ആശങ്കപ്പെടേണ്ട. സമൂഹ മാധ്യമങ്ങളില് ആളുകളെ തെറ്റിദ്ധരിപ്പിക്കാനുള്ള ബോധപൂര്വമായ ശ്രമം നടക്കുകയാണ്.
സ്വര്ണത്തിന്റെ ഗുണനിലവാരം ഉറപ്പാക്കാനാണ് ബി.ഐ.എസ് ഹാള്മാര്ക്കിംഗെന്ന് സംസ്ഥാന പ്രസിഡന്റ് ജസ്റ്റിന് പാലത്ര, ജനറല് സെക്രട്ടറി രാജന് ജെതോപ്പില്, ട്രഷറര് പി.വി. തോമസ് എന്നിവര് പറഞ്ഞു.