ട്രെയിന്‍- ബസ് യാത്രാ വിവരങ്ങള്‍; പുതിയ സൗകര്യങ്ങളുമായി ഗൂഗിള്‍ മാപ്പ്

ടെക് ഡസ്ക്
Sunday, June 9, 2019

ഇന്ത്യയില്‍ പൊതുഗതാഗത സംവിധാനത്തിന് ഉപയോഗപ്രദമായ മൂന്ന് പുതിയ സൗകര്യങ്ങളുമായി ഗൂഗിള്‍ മാപ്പ്. ഇന്ത്യന്‍ റെയില്‍വേയുടെ തത്സമയ യാത്രാവിവരങ്ങളും ഓട്ടോറിക്ഷ, ബസ് തുടങ്ങിയ ഗതാഗത സംവിധാനങ്ങളുടെ വിവരങ്ങളും ഗൂഗിള്‍ മാപ്പില്‍ ലഭ്യമാവും. ഇന്ത്യയിലെ പത്തോളം നഗരങ്ങളിലാണ് ഈ സൗകര്യങ്ങള്‍ ലഭ്യമാവുക.

ഡല്‍ഹി, ബംഗളുരു, മുംബൈ, ഹൈദരാബാദ്, പുനെ, ലഖ്നൗ, ചെന്നൈ, മൈസൂര്‍, കോയമ്പത്തൂര്‍, സൂററ്റ് എന്നിവിടങ്ങളിലാണ് ഈ സേവനം ആദ്യം ലഭ്യമാകൂക.

ട്രെയിന്‍- ബസ് യാത്രാ വിവരങ്ങള്‍ ഗൂഗിള്‍ മാപ്പിലൂടെ അറിയാന്‍ സാധിക്കും. സമയം, ട്രെയിന്‍, ബസ്, എന്നിവയുടെ സമയക്രമം, വാഹനം എവിടെ വരെ എത്തി, വൈകുമോ തുടങ്ങിയ വിവരങ്ങള്‍ ഈ സേവനത്തിലൂടെ അറിയാന്‍ സാധിക്കും.

ഈ സേവനം നിലവില്‍ മറ്റ് ആപ്പുകള്‍ നല്‍കുന്നുണ്ട്. കഴിഞ്ഞ വര്‍ഷം ഗൂഗിള്‍ ഏറ്റെടുത്ത മൈ ട്രെയിന്‍ ആപ്പിന്റെ സഹായത്തോടെയാണ് ഗൂഗിള്‍ ഈ സേവനം നല്‍കുന്നത്.

×