ലണ്ടന്: ഗ്രാമി പുരസ്കാരം പ്രഖ്യാപനചടങ്ങുകള് പുരോഗമിക്കുന്നു. ദി ഫേവറിറ്റ് മികച്ച നടിക്കും സഹനടിക്കും ഒറിജിനല് തിരക്കഥയ്ക്കും അടക്കം ഏഴു പുരസ്കാരങ്ങളാണ് സ്വന്തമാക്കി. മെക്സിക്കന് ചിത്രം റോമ നാലു പുരസ്കാരങ്ങള് സ്വന്തമാക്കി.
ലണ്ടനിലെ റോയല് ആല്ബര്ട്ട് ഹാളിലാണ് ബാഫ്റ്റ അവാര്ഡ് പ്രഖ്യാപനം നടന്നത്. മികച്ച നടിയായി ഒലീവിയ കോല്മാന് തെരഞ്ഞെടുക്കപ്പെട്ടു. റേച്ചല് വീസാണ് മികച്ച സഹനടി.
വസ്ത്രലാങ്കാരം, മേക്കപ്പ്, പ്രോഡക്ഷന് ഡിസൈന്, ഔട്ട്സ്റ്റാഡിംഗ് ബ്രിട്ടീഷ് ചിത്രം തുടങ്ങിയ വിഭാഗങ്ങളിലും ദി ഫേവറിറ്റ് പുരസ്കാരം നേടി. 'റോമ' ഒരുക്കിയ അല്ഫോണ്സോ ക്വോറോണാണ് മികച്ച സംവിധായകന്.
റാമി മാലെക്(ബൊഹീമിയന് റാപ്സോഡി) മികച്ച നടനായി തെരഞ്ഞെടുക്കപ്പെട്ടു. ബ്രിട്ടീഷ് പോപ് ഗായകനും ഗാനരചയിതാവുമായിരുന്ന ഫ്രഡി മെര്ക്കുറിയുടെ ജീവിതത്തിന്റെ ചലിച്ചിത്രാവിഷ്കാരമാണ് ബൊഹീമിയന് റാപ്സോഡി. ഓസ്കറിലേക്കുള്ള ആദ്യപടിയെന്നാണ് ബാഫ്റ്റ വിശേഷിപ്പെടുന്നത്.