സിനിമ ടിക്കറ്റിന് അധിക നികുതി ചുമത്തിയ നടപടി ഹൈക്കോടതി സ്‌റ്റേ ചെയ്തു

സിനിമാ ടിക്കറ്റിന് അധിക നികുതി ചുമത്തിയ സർക്കാർ നടപടി ഹൈക്കോടതി സ്റ്റേ ചെയ്തു. ഫിലിം ചേംബറിന്റെ ഹർജിയിലാണ് നടപടി. ജിഎസ്ടിക്ക് പുറമേ 10 ശതമാനം നികുതിയാണ് ചുമത്തിയിരുന്നത്. കഴിഞ്ഞ ബജറ്റിലാണ് സിനിമാ ടിക്കറ്റിന് 10 ശതമാനം അധിക നികുതി പ്രഖ്യാപിച്ചത്.

അധിക നികുതി സിനിമാ വ്യവസായത്തെ പ്രതികൂലമായി ബാധിക്കുമെന്ന് സിനിമാ മേഖലയിലെ വിവിധ സംഘടനകൾ നേരത്തെ ചൂണ്ടിക്കാണിച്ചിരുന്നു. ബജറ്റിലെ നിർദേശം റദ്ദാക്കണമെന്നാവശ്യപ്പെട്ട് സിനിമാ രംഗത്തുള്ളവർ മുഖ്യമന്ത്രി പിണറായി വിജയനുമായി നേരത്തെ കൂടിക്കാഴ്ച നടത്തിയിരുന്നു.