ഡൽഹി: ജിമ്മിൽ വർക്കൗട്ട് ചെയ്യുന്നതിനിടെ ഹൃദയാഘാതം ഉണ്ടായി കുഴഞ്ഞുവീണാണ് ഹാസ്യനടന്‍ രാജു ശ്രീവാസ്തവയുടെ മരണം. മാസങ്ങള്‍ക്ക് മുമ്പ് ഡല്‍ഹിയിലെ ഒരു ജിമ്മില്‍ വ്യായാമം ചെയ്യുന്നതിനിടെ കുഴഞ്ഞുവീണ നടന്‍ ചികിത്സയിലിരിക്കെ ഇന്നാണ് അന്തരിച്ചത്‌. സമീപ വർഷങ്ങളിൽ ഇത്തരം നിരവധി കേസുകളാണ് റിപ്പോര്‍ട്ട് ചെയ്തിരിക്കുന്നത്‌.
/sathyam/media/post_attachments/cFD1pjKf9cOvKuHx30SP.jpg "publive-image")
ഹൃദയാഘാതം, ഹൃദയസ്തംഭനം, മറ്റ് ഹൃദയ സംബന്ധമായ അസുഖങ്ങൾ, പക്ഷാഘാതം എന്നിവ എല്ലാം ഇപ്പോൾ സർവസാധാരണമായി കഴിഞ്ഞിരിക്കുന്നു. കുറച്ചു കാലം മുൻപ് വരെ ഇത്തരം അസുഖങ്ങൾ പ്രായമായവരിൽ മാത്രമാണ് കണ്ടിരുന്നത്. എന്നാൽ ഇപ്പോൾ 40 വയസ്സിൽ താഴെ ഉള്ളവർ പോലും ഹാർട്ട് അറ്റാക്ക് വന്നു മരിച്ചു പോകുന്നു.
വ്യായാമത്തിനിടയിൽ പെട്ടെന്നുള്ള ഹൃദയസ്തംഭനം സംഭവിക്കുന്നത് ഹൃദയത്തിൽ നിലവിലുള്ള തടസ്സങ്ങൾ മൂലമോ രോഗനിർണയം നടത്താത്തതു മൂലമോ ആണെന്ന് ഹൃദ്രോഗ വിദഗ്ധനും എപ്പിഡെമിയോളജിസ്റ്റും പബ്ലിക് ഹെൽത്ത് ഫൗണ്ടേഷൻ ഓഫ് ഇന്ത്യയുടെ പ്രസിഡന്റുമായ പ്രൊഫസർ കെ ശ്രീനാഥ് റെഡ്ഡി വിശദീകരിച്ചു. നല്ല ജീവിതശൈലിയും ഭക്ഷണക്രമവും പിന്തുടരുന്ന വ്യക്തികൾക്ക് അവരുടെ പതിവ് ദിനചര്യ പിന്തുടരാനും ജിമ്മിൽ പോകാനും കഴിയും.
നിങ്ങൾ സ്ഥിരമായി ജിമ്മിൽ പോകുന്ന ആളാണെങ്കിൽ ഹൃദയാഘാത സാധ്യത നിയന്ത്രിക്കാൻ ശ്രദ്ധിക്കേണ്ട കാര്യങ്ങൾ ഇതാ:
ജിമ്മിൽ വിപുലമായ ശാരീരിക പ്രവർത്തനങ്ങളിൽ ഏർപ്പെടുന്ന ഒരാൾ ശരീരത്തിന്റെ ആവശ്യത്തിനനുസരിച്ച് പോഷകസമൃദ്ധമായ ഭക്ഷണം കഴിക്കണം. എണ്ണമയമുള്ളതോ ജങ്ക് ഫുഡുകളോ കഴിക്കുന്നത് ഒഴിവാക്കുക.
രക്തപ്രവാഹം നിയന്ത്രിക്കാന്‍ ശ്വസന വ്യായാമങ്ങൾ പരിശീലിക്കുക.
നിങ്ങൾക്ക് സുഖമില്ലാതാകുന്ന ദിവസങ്ങളിൽ ജിം ഒഴിവാക്കുക.
നിങ്ങളുടെ ശാരീരിക കഴിവുകൾക്കനുസരിച്ച് വ്യായാമം ചെയ്യുക.
നിങ്ങളുടെ ശരീരത്തിന്റെ കഴിവ് മനസ്സിലാക്കാതെ വ്യായാമത്തിലേര്‍പ്പെടുന്നത്‌ നിങ്ങളെ അപകടത്തിലാക്കും.
Follow Us/sathyam/media/agency_attachments/5VspLzgrB7PML1PH6Ix6.png)
