പലരും ഇപ്പോള് ആഹാരം രാത്രി വൈകി കഴിക്കുന്ന ശീലമുള്ളവരാണ്. എന്നാല് ഇത് ശരീരത്തിന് വളരെ ദോഷം ചെയ്യുന്ന ഒരു ശീലമാണ്. ഇതുമൂലമുണ്ടാകുന്ന ആരോഗ്യ പ്രശ്നങ്ങള് എന്തൊക്കെയാണെന്ന് അറിയാം;
രാത്രി വൈകി കഴിക്കുന്ന ആഹാരം ഒരിക്കലും ഊര്ജത്തിനായി ഉപയോഗിക്കപ്പെടുകയില്ല. പകരം കൊഴുപ്പായി ശേഖരിക്കപ്പെടുകയും ശരീരഭാരം കൂടാന് കാരണമാവുകയും ചെയ്യും.
അമിതവണ്ണത്തിനെ മാത്രമല്ല, തലച്ചോറിന്റെ പ്രവര്ത്തനങ്ങളെ കുഴപ്പത്തിലാക്കുമെന്ന് പഠനങ്ങള് തെളിയിച്ചിട്ടുണ്ട്. വൈകി ആഹാരം കഴിക്കുന്നത് ഓര്മ്മ ശക്തി കുറയ്ക്കാനും കാരണമാകുമെന്നാണ് പുതിയ പഠനങ്ങള് പറയുന്നത്.
കൂടാതെ ഇത് ഉറക്കക്കുറവിനും കാരണമാകുന്നുണ്ട്. വൈകി ഭക്ഷണം കഴിക്കുന്നത് ശരീരത്തിനും മനസ്സിനും വിശ്രമം നല്കാതിരിക്കുന്നതാണ് മതിയായ ഉറക്കം ലഭിക്കാത്തതിനു കാരണം.
വൈകി ആഹാരം കഴിക്കുന്നവർക്ക് അസിഡിറ്റി, നെഞ്ചെരിച്ചില് എന്നിവ ഉണ്ടാകാം. ഓരോ തവണയും ഭക്ഷണ ശേഷം ദഹനപ്രക്രിയ നടത്താനുള്ള സമയം ശരീരത്തിന് ആവശ്യമാണ്.
ഭക്ഷണം കഴിച്ചതിന് ശേഷം ഉടനെ കിടക്കുകയാണെങ്കില് ദഹനപ്രക്രിയ ശരിയായ രീതിയില് നടക്കാതിരിക്കുകയും കഠിനമായ നെഞ്ചെരിച്ചിലിനു കാരണമാകുകയും ചെയ്യും.