നെഞ്ചെരിച്ചില്‍, ഗ്യാസ്; ഏലയ്ക്ക അമിതമായാല്‍

ഏത് ഭക്ഷണവും അമിതമായി കഴിക്കുന്നത് ആരോഗ്യത്തിന് ഹാനികരമാണ്. ഏലയ്ക്കയുടെ കാര്യത്തിലും ഇത് ബാധകമാണ്. ചിലരില്‍ ഏലയ്ക്ക കാരണം അലര്‍ജി പോലുള്ള പ്രതിപ്രവര്‍ത്തനങ്ങള്‍ ഉണ്ടാകാം. അമിതമായി ഉപയോഗിച്ചാല്‍ നെഞ്ചെരിച്ചില്‍, ഗ്യാസ് തുടങ്ങിയ ദഹനപ്രശ്‌നങ്ങള്‍ക്ക് കാരണമായേക്കാം. ഏലയ്ക്ക ചില മരുന്നുകളുടെ പ്രവര്‍ത്തനത്തെ ബാധിച്ചേക്കാം.

പ്രത്യേകിച്ചും രക്തം നേര്‍പ്പിക്കുന്ന മരുന്നുകള്‍ കഴിക്കുന്നവര്‍ ശ്രദ്ധിക്കണം. ഏലയ്ക്കയുടെ രക്തത്തിലെ പഞ്ചസാരയുടെ അളവിനെ ബാധിക്കുന്ന ഫലങ്ങളെക്കുറിച്ച് പഠനങ്ങള്‍ നടക്കുന്നുണ്ടെങ്കിലും, ഇത് എല്ലാവരിലും ഒരേപോലെ ബാധിക്കണമെന്നില്ല.