പഞ്ചസാര അമിതമായാല്‍ ദന്തക്ഷയം

അമിതമായ പഞ്ചസാര ഉപയോഗം ശരീരഭാരം കൂടാനും പൊണ്ണത്തടിക്കും കാരണമാകുന്നു, ഇത് ഹൃദ്രോഗം പോലുള്ള മറ്റ് രോഗങ്ങള്‍ക്കും വഴിവെക്കും. പഞ്ചസാര ഇന്‍സുലിന്‍ പ്രതിരോധത്തിനും പൊണ്ണത്തടിക്കും കാരണമാകുന്നു, ഇത് ടൈപ്പ് 2 പ്രമേഹ സാധ്യത വര്‍ദ്ധിപ്പിക്കുന്നു. 

ഹൃദ്രോഗത്തിനുള്ള അപകടസാധ്യതയും വര്‍ദ്ധിക്കുന്നു. അമിതമായ പഞ്ചസാര ഉപയോഗം ഫാറ്റി ലിവര്‍ രോഗത്തിന് കാരണമാകും. രക്തത്തിലെ പഞ്ചസാരയുടെ ഉയര്‍ന്ന അളവ് വൃക്കകളുടെ സുഗമമായ പ്രവര്‍ത്തനത്തെ തകരാറിലാക്കുകയും വൃക്കരോഗങ്ങള്‍ക്ക് കാരണമാവുകയും ചെയ്യാം.

ദന്തക്ഷയം, മോണരോഗങ്ങള്‍ എന്നിവയ്ക്ക് പഞ്ചസാര ഒരു പ്രധാന കാരണമാണ്. കൊളാജന്‍, എലാസ്റ്റിന്‍ എന്നിവയെ നശിപ്പിച്ച് ചര്‍മ്മത്തില്‍ ചുളിവുകള്‍ക്കും അകാലവാര്‍ദ്ധക്യത്തിനും കാരണമാകും.