തിരുവനന്തപുരം: സംസ്ഥാനത്ത് ഇന്നും പരക്കെ മഴയ്ക്ക് സാദ്ധ്യത. ഒമ്പത് ജില്ലകളിൽ ഇന്ന് യെല്ലോ അലർട്ടാണ്. തിരുവനന്തപുരം, കൊല്ലം, പത്തനംതിട്ട, കോട്ടയം. ആലപ്പുഴ, ഇടുക്കി, എറണാകുളം, മലപ്പുറം, വയനാട് ജില്ലകളിലാണ് യെല്ലോ അലർട്ട്. നാളെ സംസ്ഥാനത്തൊട്ടാകെ മഴ മുന്നറിയിപ്പുണ്ട്.
എറണാകുളം, ഇടുക്കി, മലപ്പുറം, വയനാട് ജില്ലകളിൽ നാളെ ഓറഞ്ച് അലർട്ടും മറ്റ് ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്.
നാളെ മുതൽ മുപ്പതാം തിയതി വരെ മത്സ്യത്തൊഴിലാളികൾ കടലിൽ പോകരുത്. 50 കിലോമീറ്റർ വരെ വേഗത്തില് കാറ്റിന് സാദ്ധ്യതയുണ്ട്. അറബിക്കടലിൽ കേരള- കർണാടക തീരത്തെ ന്യൂനമർദ്ദ പാത്തി, ആന്ധ്രാ- ഒഡിഷ തീരത്തെ ചക്രവാതച്ചുഴി എന്നിവയാണ് കാലവർഷം വീണ്ടും സജീവമാക്കുന്നത്.