തിരുവനന്തപുരം : ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദം അതിതീവ്ര ന്യൂനമര്ദമായി ശക്തിപ്രാപിച്ചു. അടുത്ത 6 മണിക്കൂറില് ശക്തിപ്രാപിച്ച് ഗുലാബ് ചുഴലിക്കാറ്റായി മാറുമെന്ന് കേന്ദ്ര കാലാവസ്ഥ വകുപ്പിന്റെ ചുഴലിക്കാറ്റ് നിരീക്ഷണ കേന്ദ്രം അറിച്ചു. ഇതിന്റെ അടിസ്ഥാനത്തില് ആന്ധ്ര- ഒഡിഷ തീരങ്ങളില് ചുഴലിക്കാറ്റ് മുന്നറിയിപ്പ് പുറപ്പെടുവിച്ചു.
ചുഴലിക്കാറ്റിന്റെ ഫലമായി അടുത്ത നാലു ദിവസം സംസ്ഥാനത്ത് പരക്കെ മഴയുണ്ടാകുമെന്നാണ് മുന്നറിയിപ്പ്. കേരളത്തില് സെപ്റ്റംബര് 25 മുതല് 28 വരെയുള്ള ദിവസങ്ങളില് ശക്തമോ അതിശക്തമായതോ ആയ മഴക്കും ശക്തമായ കാറ്റിനും സാധ്യതയുണ്ട്. ഈ സാഹചര്യത്തില് വിവിധ ജില്ലകളില് യെല്ലോ അലെര്ട്ട് പുറപ്പെടുവിച്ചു.
ചൊവ്വാഴ്ച 10 ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. സെപ്റ്റംബര് 27 ,28 തീയതികളില് കേരള തീരത്ത് കടലില് പോകുന്നതിന് ദുരന്ത നിവാരണ അതോറിറ്റി പൂര്ണ്ണ വിലക്കേര്പ്പെടുത്തി.