കനത്ത മഴ; കുളുവിൽ മണ്ണിടിച്ചിൽ, നിരവധി വാഹനങ്ങൾ മണ്ണിനടിയിലായി

കുള്ളു: ഹിമാചൽ പ്രദേശിലെ കുളുവിൽ കനത്ത മഴയെത്തുടർന്ന് മണ്ണിടിച്ചിൽ. കുള്ളുവിലെ ബജോറ പ്രദേശത്ത് കനത്ത മഴയെത്തുടർന്ന് മണ്ണിടിച്ചിൽ ഉണ്ടായി. മണ്ണിടിച്ചിൽ കാരണം നിരവധി വാഹനങ്ങൾ മണ്ണിനടിയിലായി. അവശിഷ്ടങ്ങൾക്കടിയിൽ നിന്ന്‌ കാറുകൾ ക്രെയിനുകൾ പുറത്തെടുത്തു.

അതേസമയം, ഹിമാചൽ പ്രദേശിലെ പ്രശസ്തമായ വിനോദസഞ്ചാര കേന്ദ്രമായ ധർമ്മശാലയിലെ ഭഗ്‌സു നാഗിൽ മേഘം പൊട്ടിത്തെറിച്ച് നാശമുണ്ടായി . ക്ലൗഡ് ബർസ്റ്റിനെ തുടർന്ന് പല പ്രദേശങ്ങളിലും വെള്ളപ്പൊക്കം, നിരവധി വീടുകൾക്കും ഹോട്ടലുകൾക്കും കേടുപാടുകൾ സംഭവിച്ചു, മാത്രമല്ല ശക്തമായ ജലപ്രവാഹം മൂലം നിരവധി കാറുകളും ഒഴുകിപ്പോയി.