/)
നാഗ്പുര്‍: ആർഎസ്എസ് സ്ഥാപകൻ കെ.ബി. ഹെഡ്ഗേവാർ രാജ്യത്തിന്‍റെ വീരപുത്രനാണെന്ന് മുതിർന്ന കോൺഗ്രസ് നേതാവും മുൻ രാഷ്‌ട്രപതിയുമായ പ്ര ണാബ് മുഖർജി. ആർഎസ്എസ് ആസ്ഥാനത്തെത്തിയ പ്രാണാബ് ഹെഡ്ഗേവാറിന്‍റെ സ്മാരകത്തിലെ സന്ദർശക ഡയറിയിലാണ് ഇക്കാര്യം കുറിച്ചത്. ഇവിടെ എത്തിയത് ഇന്ത്യയുടെ മഹാനായ പുത്രനെ അഭിവാദനം ചെയ്യുന്നതിനും ബഹുമാനം അറിയിക്കുന്നതിനുമാണെന്ന് പ്രണാബ് എഴുതി. സംഘ് ശിക്ഷാ വർഗ് ച ടങ്ങിലാണ് പ്രണാബ് പങ്കെടുക്കുന്നത്.
ആര്‍.എസ്.എസ് തലവന്‍ മോഹന്‍ ഭഗവത് പ്രണബ് മുഖര്‍ജിയെ സ്വീകരിക്കുന്നതിന്റെയും പുഷാപര്‍ച്ചന നടത്തുന്നതിന്റെയും ദൃശ്യങ്ങള്‍ ന്യൂസ് ഏജന്‍സിയായ എ.എന്‍.ഐയാണ് പുറത്തു വിട്ടത്.
ആർഎസ്എസ് ചടങ്ങിൽ പങ്കെടുക്കാനുള്ള പ്രണാബ് മുഖർജിയുടെ തീരുമാനത്തിനെതിരേ മകളും കോൺഗ്രസ് നേതാവുമായ ശർമിഷ്ഠ മുഖർജി രംഗത്തെ ത്തിയിരുന്നു. ആർഎസ്എസിനും ബിജെപിക്കും കഥകൾ മെനയാൻ പ്രണാബ് അവസരമൊരുക്കിയിരിക്കുകയാണെന്നു ശർമിഷ്ഠ ട്വീറ്റ് ചെയ്തു. പ്രണാബിന്‍റെ പ്രസംഗം എല്ലാവരും മറക്കും. ദൃശ്യങ്ങൾ നിലനിൽക്കും. അതാണ് ആർഎസ്എസ് ആഗ്രഹിക്കുന്നത്. ബിജെപിയുടെ കുതന്ത്ര വിഭാഗം എങ്ങനെ പ്രവർത്തിക്കു ന്നുവെന്ന് പ്രണാബിന് ഇപ്പോൾ മനസിലായിക്കാണുമെന്നു പ്രതീക്ഷിക്കാം-ശർമിഷ്ഠ വ്യക്തമാക്കി.
‘ആര്‍എസ്എസ് ആസ്ഥാനത്ത് പ്രത്യയശാസ്ത്ര സംവാദത്തിന് പ്രണബ് എത്തിയത് മനോവേദനയോടെയാണു കോണ്‍ഗ്രസ് പ്രവര്‍ത്തകര്‍ കാണുന്നത്. കേള്‍ക്കാനും സ്വീകരിക്കാനും മാറ്റത്തിനും തയാറായവരോടു മാത്രമേ സംവാദം സാധ്യമാകൂ’ എന്ന് കോണ്‍ഗ്രസ് നേതാവ് ആനന്ദ് ശര്‍മ ട്വീറ്റ് ചെയ്തു.
ആര്‍എസ്എസ് പരിപാടിയില്‍ പ്രണബ് മുഖര്‍ജി പങ്കെടുക്കുന്നതിനെതിരെ നിരവധിപ്പേര്‍ രംഗത്തെത്തിയിരുന്നു. എന്നാല്‍ ഇക്കാര്യത്തില്‍ പ്രണബ് പ്രതികരിച്ചില്ല. തന്റെ നിലപാട് എന്താണെന്ന് ചടങ്ങില്‍ അറിയിക്കാമെന്നാണ് അദ്ദേഹം പറഞ്ഞത്.
Follow Us/sathyam/media/agency_attachments/5VspLzgrB7PML1PH6Ix6.png)
