Advertisment

പ്രശസ്ത ഹോളിവുഡ് ഇതിഹാസ താരം ആല്‍ബര്‍ട്ട് ഫിന്നി അന്തരിച്ചു

author-image
ഫിലിം ഡസ്ക്
Updated On
New Update

publive-image

പ്രശസ്ത ഹോളിവുഡ് ഇതിഹാസ താരം ആല്‍ബര്‍ട്ട് ഫിന്നി അന്തരിച്ചു. 82 വയസായിരുന്നു. റോയല്‍ മാസ്ഡെന്‍ ആശുപത്രിയില്‍ വെച്ചാണ് അദ്ദേഹം മരിച്ചതെന്ന് കുടുംബം പ്രസ്താവനയില്‍ അറിയിച്ചു. വൃക്കയില്‍ അര്‍ബുധം ബാധിച്ച് 2011 മുതല്‍ അദ്ദേഹം ചികിത്സയിലായിരുന്നു. ഷേക്സ്പീരിയന്‍ നാടകങ്ങളിലൂടെ അഭിനയം തുടങ്ങിയ അദ്ദേഹം 1960ല്‍ ‘ദ എന്റര്‍ടെയിനര്‍’ എന്ന ചിത്രത്തിലൂടെയാണ് സിനിമയിലെത്തിയത്.

ആ വര്‍ഷം തന്നെ പുറത്തിറങ്ങിയ ‘സാറ്റര്‍ഡെ നൈറ്റ് ആന്റ് സണ്ടെ മോണിങ്’ എന്ന ചിത്രമാണ് അദ്ദേഹത്തിന്റെ കരിയറില്‍ വഴിത്തിരിവായത്. ഏറെ ജനപ്രീതി നേടിയ ചിത്രം അക്കാലത്തെ ‘ആന്‍ഗ്രി’ സിനിമാ വിഭാഗത്തില്‍ മുന്നില്‍ നിന്നു. സിനിമയിലെ ‘ആന്‍ഗ്രി യംങ് മാന്‍’ എന്ന വിശേഷണത്തിനും അദ്ദേഹം അര്‍ഹനായി. നാല് തവണയാണ് അദ്ദേഹം ഓസ്കറിന് നാമനിര്‍ദേശം ചെയ്യപ്പെട്ടത്. എന്നാല്‍ പുരസ്കാരം ലഭിച്ചില്ല.

Advertisment