കുവൈറ്റ് : കുവൈറ്റുള്പ്പെടെ അഞ്ച് ഗള്ഫ് രാജ്യങ്ങള് ഗാർഹികത്തൊഴിലാളികളുമായി ബന്ധപ്പെട്ട് പൊതുനയം രൂപവത്കരിക്കാൻ ആലോചിക്കുന്നു .ഗാർഹികത്തൊഴിലാളികളുടെ റിക്രൂട്ട്മെന്റ് ഫീസ്, ചുരുങ്ങിയ വേതനം, തൊഴിൽ മാറ്റം, മറ്റുവിഷയങ്ങൾ എന്നിവയുമായി ബന്ധപ്പെട്ട് പൊതുനയം ഉണ്ടാക്കാനാണ് ആലോചന .
അന്താരാഷ്ട്ര തൊഴിൽനിയമങ്ങളെ മാനിച്ചുകൊണ്ട് തൊഴിലാളികളുടെ അവകാശങ്ങൾ ഉറപ്പുവരുത്തുന്ന രീതിയിൽ നിയമനിർമാണം നടത്തും. തുടർച്ചയായി എട്ടുമണിക്കൂർ ഉൾപ്പെടെ ദിവസത്തിൽ 12 മണിക്കൂർ വിശ്രമം ഉറപ്പുവരുത്തുന്നതായിരിക്കും നിർദിഷ്ട നിയമം.
18 വയസ്സിൽ താഴെയുള്ളവരെ ജോലിക്കുവെക്കാൻ അനുവദിക്കില്ല. വിവിധ ഗൾഫ് രാജ്യങ്ങളിൽ ഗാർഹികത്തൊഴിലാളി ക്ഷാമം രൂക്ഷമാണ്. തൊഴിലാളികൾക്കെതിരായ അതിക്രമങ്ങളും ചൂഷണങ്ങളും ചൂണ്ടിക്കാട്ടി വിവിധ രാജ്യങ്ങൾ ഇവിടേക്ക് ഗാർഹികത്തൊഴിലാളികളെ അയക്കുന്നത് നിർത്തിയിട്ടുണ്ട്. ഇത് അന്താരാഷ്ട്രതലത്തിൽ ഉണ്ടാക്കിയ അവമതിപ്പ് കൂടി കണക്കിലെടുത്താണ് പൊതുനയം രൂപവത്കരിക്കാനും സമഗ്ര നിയമനിർമാണം നടത്താനും തീരുമാനിച്ചത്.