തിരുവനന്തപുരം: എഡിജിപി സുധേഷ് കുമാറിന്റെ മകള് പോലീസ് ഡ്രൈവറെ മര്ദിച്ച സംഭവത്തില് അന്വേഷണം എത്രയും വേഗം പൂര്ത്തിയാക്കണമെന്ന് മനുഷ്യാവകാശ കമ്മീഷന്.
ക്രൈംബ്രാഞ്ച് സൂപ്രണ്ടിനാണ് കമ്മീഷന് അധ്യക്ഷന് നിര്ദേശം നല്കിയത്. സത്യസന്ധമായും നിഷ്പക്ഷമായും അന്വേഷണം പൂര്ത്തിയാക്കി എത്രയും വേഗം കോടതിയില് അന്തിമ റിപ്പോര്ട്ട് സമര്പ്പിക്കണമെന്നാണ് നിര്ദേശം.
മര്ദനമേറ്റ പോലീസ് ഡ്രൈവര് ഗവാസ്കറിന്റെ ഭാര്യ രേഷ്മ തല്ഹത്തിന്റെ പരാതിയിലാണ് കമ്മീഷന് ഉത്തരവ്. കേസുമായി ബന്ധപ്പെട്ട് ക്രൈംബ്രാഞ്ചില് നിന്നും കമ്മീഷന് റിപ്പോര്ട്ട് വാങ്ങി.കേസിന്റെ അന്വേഷണ റിപ്പോര്ട്ടുകള് ഹൈക്കോടതിയുടെ പരിഗണനയിലെന്ന് ക്രൈംബ്രാഞ്ച് സമര്പ്പിച്ച റിപ്പോര്ട്ടില് പറയുന്നു.