എണ്‍പതു വർഷത്തോളം ഒരുമിച്ചു ജീവിച്ചു , മരണത്തിലും വേർപിരിയാതെ പിച്ചയ്യിയും വെട്രിവേലും ; നൂറ്റിനാലു വയസ്സുള്ള ഭര്‍ത്താവിന്റെ മരണം താങ്ങാനാകാതെ കുഴഞ്ഞ് വീണ് മരിച്ച് 100 വയസ്സുകാരി

ചെന്നൈ: മരണത്തിലും വേർപിരിയാതെ പിച്ചയ്യിയും വെട്രിവേലും. എട്ട് പതിറ്റാണ്ടിലേറെയായി പുതുകോട്ടയിലെ ആലംകുടി സ്വദേശികളായ ഇരുവരും ഒരുമിച്ച് ജീവിതം ആരംഭിച്ചിട്ട്. എണ്‍പതു വർഷത്തോളം ഒരുമിച്ച കഴിഞ്ഞ അവർ മരണത്തിലും ഒരുമിച്ചായത് ഒരു ഗ്രാമത്തെ തന്നെ ദുഃഖത്തിലാഴ്ത്തിയിരിക്കുകയാണ്.

കഴിഞ്ഞ കുറച്ച് വർഷങ്ങളായി രോഗശയ്യയിലായിരുന്നു വെട്രിവേൽ നൂറ്റിനാല് വയസുണ്ടായിരുന്ന ഈ മുത്തശ്ശൻ കഴിഞ്ഞ ദിവസം പുലർച്ചയോടെ മരണത്തിന് കീഴടങ്ങി.

വെട്രിവേലിന്‍റെ മരണാനന്തര ചടങ്ങുകള്‍ക്കിടെ കുഴഞ്ഞു വീണ പിച്ചയ്യിയും പിന്നീട് ഉണർന്നില്ല. ഭർത്താവിനെ പിരിയാൻ കഴിയാതെ മരണം ഉൾക്കൊള്ളാൻ കഴിയാതെ ആ സങ്കടത്തിൽ നൂറുവയസ് പിന്നിട്ട പിച്ചയ്യിയും യാത്രയായി.