ന്യൂഡല്ഹി: കൊറോണ വൈറസ് വായുവിലൂടെ പകരും എന്നതിന് തെളിവില്ലെന്ന് ഇന്ത്യന് കൗണ്സില് ഓഫ് മെഡിക്കല് റിസര്ച്ച് (ഐസിഎംആര്). വായുവിലൂടെ പകരുമായിരുന്നുവെങ്കില് വൈറസ് ബാധിതരുടെ കുടുംബങ്ങളിലെ എല്ലാവര്ക്കും രോഗബാധ ഉണ്ടാകേണ്ടതായിരുന്നുവെന്ന് ഐസിഎംആര് ഉദ്യോഗസ്ഥന് ചൂണ്ടിക്കാട്ടി.
വായുവിലൂടെ പകര്ന്നിരുന്നുവെങ്കില് കൊറോണ ബാധിതര് ചികിത്സയില് കഴിഞ്ഞ ആശുപത്രികളിലെ മറ്റുരോഗികള്ക്കും വൈറസ് ബാധ ഉണ്ടാകേണ്ടതായിരുന്നു. അതിനാല് കൊറോണ വായുവിലൂടെ പകരുമെന്ന വാദത്തിന് അടിസ്ഥാനമില്ലെന്ന് ഐസിഎംആര് ഉദ്യോഗസ്ഥന് വ്യക്തമാക്കി. കേന്ദ്ര ആരോഗ്യ മന്ത്രാലയ ജോയിന്റ് സെക്രട്ടറി ലവ് അഗര്വാളിനൊപ്പം നടത്തിയ വാര്ത്താ സമ്മേളനത്തിലാണ് ഉദ്യോഗസ്ഥന് ഇക്കാര്യം പറഞ്ഞത്.