തിരുവനന്തപുരം: ഐഎ്ഫ്എഫ്കെയുടെ പ്രധാനവേദികളിലൊന്നായ നിശാഗന്ധിയില് സംഘര്ഷം. ഇതേത്തുടര്ന്ന് ഒരു ഡെലിഗേറ്റിനെ മ്യൂസിയം പൊലീസ് അറസ്റ്റ് ചെയ്തു. തിങ്കളാഴ്ച രാത്രി പത്തരയ്ക്ക് ശേഷമായിരുന്നു സംഭവം.
ജൂറി ചെയര്മാന് കൂടിയായ ഇറാനിയന് സംവിധായകന് മജീദ് മജീദിയുടെ 'മുഹമ്മദ് ദി മെസഞ്ചര് ഓഫ് ഗോഡ്' എന്ന ചിത്രമാണ് നിശാഗന്ധിയില് രാത്രി 10.30ന് പ്രദര്ശിപ്പിക്കേണ്ടിയിരുന്നത്. എന്നാല് കേന്ദ്ര വാര്ത്താവിതരണ മന്ത്രാലയത്തിന്റെ അനുമതി ലഭിക്കാത്തതിനാല് പ്രദര്ശനം റദ്ദാക്കിയിരുന്നു.
പൊലീസുകാരനെ മര്ദ്ദിച്ച നിലമ്പൂര് സ്വദേശി വിഷ്ണുവാണ് അറസ്റ്റിലായതെന്നും ഇയാള് മദ്യപിച്ചിരുന്നുവെന്നും മെഡിക്കല് പരിശോധനയ്ക്ക് അയച്ചിരിക്കുകയാണെന്നും പൊലീസ് പറഞ്ഞു.