തിരുവനന്തപുരം: കേരളത്തിന്റെ രാജ്യാന്തര ചലച്ചിത്രമേളയുടെ ഡെലിഗേറ്റ് പാസിന് ഇത്തവണ 2000 രൂപ ആയിരിക്കുമെന്ന് സാംസ്കാരിക മന്ത്രി എ കെ ബാലന്. ചെലവ് ചുരുക്കിയാവും ഇക്കുറി മേള നടത്തുകയെന്നും സമഗ്ര സംഭാവനയ്ക്കുള്ള പുരസ്കാരം ഇത്തവണ ഉണ്ടാവില്ലെന്നും മന്ത്രി ബാലന് അറിയിച്ചു.അന്തര്ദേശീയ ജൂറിക്ക് പകരം ഇത്തവണ ദക്ഷിണേന്ത്യന് ജൂറി ആയിരിക്കുമെന്നും മന്ത്രി പറഞ്ഞു. തിരുവനന്തപുരത്ത് ഡിസംബര് 7 മുതല് 13 വരെയാണ് മേളനടത്തുക.
പ്രളയക്കെടുതിയുടെയും സംസ്ഥാന പുനര്നിര്മ്മാണത്തിന്റെയും പശ്ചാത്തലത്തില് മേള ഉപേക്ഷിക്കാനായിരുന്നു സര്ക്കാരിന്റെ ആദ്യ തീരുമാനം. എന്നാല് മേള ഉപേക്ഷിക്കരുതെന്നുള്ള ആവശ്യം സിനിമാ മേഖലയിലെ പ്രമുഖരില് നിന്നുള്പ്പെടെ ഉയര്ന്നതോടെ സര്ക്കാര് തീരുമാനം മാറ്റുകയായിരുന്നു.