കുവൈറ്റ് : കുവൈറ്റ് ഇന്ത്യൻ എംബസിയില് മെയ്ഡ് ഇന് ഇന്ത്യാ പ്രദര്ശനം സംഘടിപ്പിച്ചു . മാര്ച്ച് 21ന് ഹോട്ടൽ ഹോളിഡേ ഇന്നിലാണ് പരിപാടി സംഘടിപ്പിച്ചത്. ഇന്ത്യ–കുവൈത്ത് വ്യാപാരബന്ധം ശക്തിപ്പെടുത്തുന്നതിനും ഇന്ത്യൻ ഉൽപന്നങ്ങൾക്കു പുതിയ വിപണി കണ്ടെത്തുന്നതിനും എക്സിബിഷൻ സഹായിച്ചതായാണ് വിലയിരുത്തല്.
ഭക്ഷ്യോൽപന്നങ്ങൾ, ഓട്ടമൊബീൽ, വീട്ടുപകരണങ്ങൾ, ആയുർവേദ ഉൽപന്നങ്ങൾ, വാർത്താവിനിമയ സംവിധാനങ്ങൾ, ഐടി അനുബന്ധ ഉൽപന്നങ്ങൾ എന്നിങ്ങനെ വിപുലമായ ശ്രേണിയാണ് പ്രദർശനത്തിൽ അണിനിരത്തിയത് .
കുവൈത്ത് വാണിജ്യ മന്ത്രാലയത്തിലെ രാജ്യാന്തര സംഘടനാ- വിദേശ വ്യാപാര വിഭാഗം അസി.അണ്ടർസെക്രട്ടറി ഷെയ്ഖ് നിമാർ ഫഹദ് അൽ മാലിക് അൽ സബാഹ് പ്രദര്ശനം ഉദ്ഘാടനം ചെയ്തു.
ഇന്ത്യയിൽ നിന്നുള്ള നിരവധി ഉത്പന്നങ്ങൾ അണിനിരത്തിയ പ്രദർശനം കാണാൻ സ്വദേശികൾ ഉൾപ്പെടെ നിരവധിപേർ എത്തി. ഇന്ത്യയും കുവൈത്തും തമ്മിലുള്ള വാണിജ്യ-സാമ്പത്തിക ബന്ധം കൂടുതൽ ശക്തിപ്പെടുത്താൻ പ്രദർശനം സഹായിക്കുമെന്ന് ഇന്ത്യൻ എംബസി അറിയിച്ചു.