കൊൽക്കത്ത: അണ്ടർ-15 സാഫ് കപ്പ് കിരീടം ഇന്ത്യക്ക്. ശനിയാഴ്ച കൊൽക്കത്തയിൽ നടന്ന കലാശപ്പോരാട്ടത്തിൽ നേപ്പാളിനെ കീഴടക്കിയാണ് ഇന്ത്യൻ കൗമാരപ്പട കപ്പിൽ മുത്തമിട്ടത്. നേപ്പാളിനെ എതിരില്ലാത്ത ഏഴ് ഗോളിനാണ് ഇന്ത്യ തറപറ്റിച്ചത്.
ഹാട്രിക്കുമായി ശ്രീദർത്ത് ആണ് ഇന്ത്യയുടെ മികച്ച താരമായത്. രണ്ടാം പകുതിയിൽ ആയിരുന്നു ശ്രീദർത്തിന്റെ ഹാട്രിക്. മഹേസണ്, അമന്ദീപ്, സിബജിത്, ഹിമാൻഷ് എന്നിവരാണ് ഇന്ത്യയ്ക്കു വേണ്ടി ഗോൾ സ്കോർ ചെയ്തത്.
നേരത്തെ, റൗണ്ട് റോബിൻ ലീഗിൽ നാലു മത്സരവും ജയിച്ചാണ് ഇന്ത്യ ഫൈനലിൽ കടന്നത്. അതേസമയം നാലിൽ മൂന്നു മത്സരവും ജയിച്ചാണ് നേപ്പാൾ ഫൈനൽ പോരാട്ടത്തിന് അർഹത നേടിയത്.