ന്യൂഡല്ഹി: കോവിഡ് ബാധിതരുടെ എണ്ണം ഇന്ത്യയിലെ 60 ലക്ഷം പിന്നിട്ട് കുതിക്കുന്നു. രാജ്യത്ത് ഇതുവരെ 6,073,348 പേര്ക്ക് കോവിഡ് ബാധിച്ചുവെന്നാണ് റിപ്പോര്ട്ട്.
രാജ്യത്ത് ഇനി 964,407 പേരാണ് വൈറസ് ബാധിച്ച് ചികിത്സയിലുള്ളത്. ഇതില് 8,944പേരുടെ നില അതീവ ഗുരുതരമാണ്. രാജ്യത്തെ കോവിഡ് ബാധിതരില് 5,013,367 പേരാണ് ഇതുവരെ രോഗമുക്തി നേടിയത്. 96,000ലേറെപ്പേര് രോഗം ബാധിച്ച് മരണത്തിനു കീഴടങ്ങി.
മഹാരാഷ്ട്ര, ആന്ധ്രാപ്രദേശ്, തമിഴ്നാട്, കര്ണാടക, ഉത്തര്പ്രദേശ്, ഡല്ഹി, പശ്ചിമബംഗാള്, ഒഡീഷ, തെലങ്കാന, ബിഹാര് എന്നീ സംസ്ഥാനങ്ങളാണ് കോവിഡ് വ്യാപന കണക്കില് ആദ്യ പത്തിലുള്ള സംസ്ഥാനങ്ങള്. കേരളം 12ാം സ്ഥാനത്താണ്.