മൊഹാലി: ഇന്ത്യയ്ക്കെതിരായ നാലാം ഏകദിനത്തില് ഓസീസിന് ഉജ്വല വിജയം. 359 റണ്സിന്റെ കൂറ്റന് വിജയലക്ഷ്യം പിന്തുടര്ന്ന ഓസീസ് 47.5 ഓവറില് ആറു വിക്കറ്റ് മാത്രം നഷ്ടപ്പെടുത്തി ലക്ഷ്യത്തിലെത്തി. സെഞ്ചുറി നേടിയ പീറ്റര് ഹാന്ഡ്സ്കോമ്പ് (117) അര്ധ സെഞ്ചുറി നേടിയ സെഞ്ചുറി നേടിയ പീറ്റര് ഹാന്ഡ്സ്കോമ്പ് (117) അര്ധ സെഞ്ചുറി നേടിയ ഉസ്മാന് ഖ്വാജ (91) അവസാന നിമിഷം ആഞ്ഞടിച്ച ആഷ്ടണ് ടര്ണര് എന്നിവരാണ് ഓസീസിനെ വിജയത്തിലെത്തിച്ചത്. കരിയറിലെ രണ്ടാം ഏകദിനം മാത്രം കളിക്കുന്ന ഓസീസ് യുവതാരം ആഷ്ടണ് ടര്ണറാണ് മത്സരം പൂര്ണമായും ഇന്ത്യയില് നിന്ന് തട്ടിയെടുത്തത്. 42 പന്തുകള് നേരിട്ട ടര്ണര് ആറു സിക്സും അഞ്ചു ബൗണ്ടറിയുമടക്കം 82 റണ്സോടെ പുറത്താകാതെ നിന്നു. മൊഹാലിയില് ഏറ്റവും ഉയര്ന്ന റണ്സ് പിന്തുടര്ന്നു ജയിക്കുന്ന ടീമെന്ന റെക്കോഡും ഓസീസ് സ്വന്തമാക്കി.
ടോസ് നേടി ബാറ്റിങ് തെരഞ്ഞെടുത്ത ഇന്ത്യ ഓപ്പണർ ശിഖർ ധവാന്റെ (143, 18 ഫോർ, മൂന്ന് സിക്സ്) 16ാം ഏകദിന സെഞ്ചുറിയുടെയും രോഹിത് ശർമയുടെ (95) ഉഗ്രൻ പിൻബലത്തിൽ ഒമ്പത് വിക്കറ്റ് നഷ്ടത്തിൽ 358 റൺസ് നേടി.