ഉയർന്ന പ്രതിഫലം, രജനീകാന്തിനെ പിന്തള്ളി വിജയ് ഒന്നാമത് !!

തമിഴ് സൂപ്പർസ്റ്റാറും ഇന്ത്യൻ മെഗാസ്റ്റാറുമായ രജനീകാന്ത്, ഒരു ചിത്രത്തിന് ഏറ്റവും കൂടുതൽ പ്രതിഫലം വാങ്ങുന്ന നടനെന്ന റിക്കാർഡ് വർഷങ്ങളായി സ്വന്തം പേരിൽ എഴുതിച്ചേർക്കപ്പെട്ടിരിക്കുകയായിരുന്നു. അടുത്ത പൊങ്കലിന് റിലീസാകാൻ പോകുന്ന രജനിയുടെ ' ദർബാറിന്‌ ' അദ്ദേഹം കൈപ്പറ്റിയ പ്രതിഫലമായ 90 കോടി രൂപ ഒരു സർവ്വകാല റിക്കാർഡാണ് .

എന്നാൽ ഇനി മുന്നോട്ട് രജനിയുഗം അവസാനിക്കുകയാണോ ? ആണെന്നാണ് അനുമാനിക്കേണ്ടത്. കാരണം തലപതി വിജയ് പ്രതിഫലത്തിന്റെ കാര്യത്തിൽ രജനിയെ പിന്തള്ളിയിരിക്കുന്നു.

റിപ്പോർട്ടുകൾ പ്രകാരം സൺ പിക്‌ചേഴ്‌സ് നിർമ്മിക്കുന്ന " തലപതി 65 " എന്ന ചിത്രത്തിനായി വിജയ്ക്ക് നിശ്ചയിച്ചിരിക്കുന്ന പ്രതിഫലം 100 കോടി രൂപയാണത്രെ. 50 കോടി അഡ്വാൻസ് നൽകി അദ്ദേഹത്തെ അവർ ബുക്ക് ചെയ്തുകഴിഞ്ഞു.

അസുരൻ എന്ന സൂപ്പർഹിറ്റ് ചിത്രം സംവിധാനം ചെയ്ത വെട്രിമാരനായിരിക്കും വിജയ് ചിത്രത്തിന്റെ സംവിധായകൻ.

വിജയ് ഇപ്പോൾ യോഗേഷ് കനകരാജിന്റെ ' മാസ്റ്റർ' എന്ന ചിത്രത്തിന്റെ ഷൂട്ടിംഗ്‌ തിരക്കുകളിലാണ്. അത് പൂർത്തിയായശേഷമാകും തലപതി 65 ന്റെ ചിത്രീകരണം ആരംഭിക്കുക.