എന്‍റെ കുടുംബത്തിലെ സ്ത്രീകളെ തൊട്ടുകളിക്കാന്‍ ആര്‍ക്കും ധൈര്യം വരില്ല - സെയ്ഫ് അലി ഖാന്‍

മീ ടൂ കാമ്പയിന് പിന്തുണ പ്രഖ്യാപിച്ച് നടന്‍ സെയ്ഫ് അലി ഖാന്‍ നേരത്തേ രംഗത്തു വന്നിരുന്നു. തൊഴിലിടങ്ങളില്‍ സ്ത്രീകള്‍ക്ക് കൂടുതല്‍ സുരക്ഷിതത്വം ഉറപ്പാക്കണമെന്ന് സെയ്ഫ് പറയുന്നു.

നമ്മുടെ സമൂഹത്തില്‍ തുല്യതയില്ല. പക്ഷേ, പുരോഗമന ചിന്താഗതിയിലൂടെ മാറ്റങ്ങള്‍ കൊണ്ടുവരാന്‍ നമുക്ക് സാധിക്കും. തൊഴിലിടങ്ങളില്‍ സ്ത്രീകള്‍ക്ക് ഭയം കൂടാതെ ജോലി ചെയ്യാനുള്ള സാഹചര്യം നമുക്ക് ഒരുക്കിക്കൊടുക്കാന്‍ സാധിക്കും - സെയ്ഫ് പറയുന്നു.

തന്റെ കുടുംബത്തിലെ സ്ത്രീകളെ തൊട്ടുകളിക്കാന്‍ ആര്‍ക്കും ധൈര്യം വരില്ലെന്ന് സെയ്ഫ് പറഞ്ഞു. സെയ്ഫിന്റെ മകള്‍ സാറ അലിഖാന്‍ ബോളിവുഡില്‍ അരങ്ങേറ്റം കുറിക്കുന്ന സാഹചര്യത്തിലായിരുന്നു സെയ്ഫിന്റെ പ്രതികരണം.

സിനിമയും കുടുംബവും തനിക്ക് മാറ്റി നിര്‍ത്താന്‍ കഴിയില്ല. അമ്മയും (ഷര്‍മിള ടാഗോള്‍) ഭാര്യയും (കരീന കപൂര്‍) സഹോദരിയുമെല്ലാം (സോഹ അലി ഖാന്‍) സിനിമയില്‍ പ്രവര്‍ത്തിക്കുന്നവരാണ്-സെയ്ഫ് പറഞ്ഞു.

ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് സെയ്ഫ് ഇതേക്കുറിച്ച് പ്രതികരിച്ചത്.