ചെന്നൈ: 47 യാത്രക്കാരുമായി പറന്നുകൊണ്ടിരുന്ന ഇൻഡിഗോ വിമാനം യന്ത്രത്തകരാറിനെ തുടർന്ന് ചെന്നൈ വിമാനത്താവളത്തിൽ അടിയന്തരമായി ഇറക്കി. വിമാനം പറക്കുന്നതിനിടയിലാണ് യന്ത്രത്തകരാർ ഉണ്ടായത്. ആന്ധ്രാപ്രദേശിലെ രാജാമുണ്ട്രിയിൽനിന്നുള്ള വിമാനത്തിലായിരുന്നു യന്ത്രത്തകരാർ.
മുഴുവൻ യാത്രക്കാരും സുരക്ഷിതരാണെന്ന് വിമാനത്താവള അധികൃതർ അറിയിച്ചു. വിമാനത്തിന്റെ ഒരു എൻജിനിൽനിന്നും എണ്ണ ചോർന്നുപോയതാണ് തകരാറിനു കാരണമായത്.