നിറയെ മുതലകള്‍ ഉള്ള തടാകത്തിലേക്ക് നായ്ക്കുട്ടിയെ വലിച്ചെറിഞ്ഞ് കൌമാരക്കാരന്‍. ദൃശ്യങ്ങള്‍ക്കെതിരെ വന്‍ വിമര്‍ശനം

നിറയെ മുതലകള്‍ ഉള്ള തടാകത്തിലേക്ക് നായ്ക്കുട്ടിയെ വലിച്ചെറിയുകയാണ് ഒരു കൌമാരക്കാരന്‍. നീന്താന്‍ കഷ്ടപ്പെടുന്ന നായ്ക്കുട്ടിയെ വൈകാതെ തന്നെ ഒരു മുതല വന്നു പിടികൂടുന്നതും ദൃശ്യങ്ങളില്‍ കാണാം.

ഓസ്ട്രേലിയയില്‍ നിന്നുള്ള ഈ ദൃശ്യങ്ങള്‍ക്കെതിരെ സാമൂഹ്യമാധ്യമങ്ങളില്‍ വന്‍ വിമര്‍ശനമാണുയരുന്നത്.

കൗമാരക്കാരനായ കുട്ടിയാണ് നായയെ തടാകത്തിലേക്കെടുത്തെറിയുന്നത്. നായ നീന്താന്‍ ശ്രമിക്കുമ്പോള്‍ തന്നെ അകലെനിന്ന് ഒരു മുതല അതിനടുത്തേക്ക് നീങ്ങുന്നതും ദൃശ്യങ്ങളില്‍ കാണാം. എന്നാല്‍ ഈ മുതലയ്ക്ക് മുന്‍പു തന്നെ മറ്റൊരു മുതല വെള്ളത്തില്‍ നിന്ന് ഉയര്‍ന്നു വരികയും നായ്ക്കുട്ടിയെ വായിലാക്കി വെള്ളത്തിലേക്ക് ഊളിയിടുകയും ചെയ്യുന്നതാണ് ദൃശ്യത്തിലുള്ളത്.

എന്നാല്‍ ആരാണ് വിഡിയോയില്‍ ഉള്ളതെന്നോ ആരാണിതു ചിത്രീകരിച്ചതെന്നോ വ്യക്തമല്ല.