ചെന്നൈയ്ക്ക് 148 റൺസ് വിജയലക്ഷ്യം

ഐപിഎല്ലിൽ ഡൽഹി ക്യാപിറ്റൽസിനെതിരെ ചെന്നൈ സൂപ്പർകിങ്‌സിന് 148 റൺസ് വിജയലക്ഷ്യം. ടോസ് നേടി ഈ സീസണിലെ ആദ്യ ഹോം മത്സരത്തിൽ ബാറ്റിങ്ങിനിറങ്ങിയ ഡൽഹി 6 വിക്കറ്റ് നഷ്ടത്തിലാണ് 147 റൺസെടുത്തത്. ശിഖർ ധവാന്റെ അർധസെഞ്ച്വറി (51) യാണ് ഡൽഹിയെ ഭേദപ്പെട്ട സ്‌കോറിലെത്തിച്ചത്. ചെന്നൈ നിരയിൽ ബ്രാവോ മൂന്ന് വിക്കറ്റുകൾ വീഴ്ത്തി.

പൃഥി ഷാ(24), ഋഷഭ് പന്ത് (25), ക്യാപ്റ്റൻ ശ്രേയസ് അയ്യർ (18), കോളിൻ ഇൻഗ്രം(2) എന്നിവരുടെ വിക്കറ്റുകളാണ് ഡൽഹിക്ക് നഷ്ടമായത്. 9 റൺസുമായി അക്ഷർ പട്ടേലും 11 റൺസുമായി രാഹുൽ തെവാതിയയും പുറത്താകാതെ നിന്നു. നാല് ഓവർ എറിഞ്ഞ ബ്രാവോ 33 റൺസ് വഴങ്ങിയാണ് 3 വിക്കറ്റുകൾ വീഴ്ത്തിയത്.