അയര്ലാന്ഡ് : 37 കാരിയായ മലയാളി നഴ്സ് അയര്ലാന്ഡില് രോഗബാധിതയായി അന്തരിച്ചു. ലിമറിക് സെ.ജോണ്സ് ആശുപത്രിയില് സ്റ്റാഫ് നഴ്സായ പാലാ ഇല്ലിമൂട്ടില് ടിനി സിറിള് (ടിനി സെബാസ്റ്റ്യന് 37) ആണ് മരിച്ചത്. ഇന്ന് ഉച്ചയോടെയായിരുന്നു മരണം . പാലാ കത്തീഡ്രല് പള്ളി ഇടവകാംഗമായ ഇല്ലിമൂട്ടില് സിറിള് ജോയിയുടെ ഭാര്യയാണ് .
ആശുപത്രിയില് ചികിത്സയിലായിരുന്ന ടിനി ഓപ്പറേഷന് ശേഷം ഐസി.സി.യുവിലായിരുന്നു. ഭര്ത്താവ് സിറിള് ജോയി ലിമറിക്കില് ചെഫായി ജോലി ചെയ്യുന്നു.
ഇവര്ക്ക് 8ഉം 4ഉം വയസ്സുള്ള രണ്ട് കുട്ടികളാണുള്ളത്. 12 വര്ഷങ്ങള്ക്ക് മുന്പ് അയര്ലണ്ടില് എത്തിയതാണ് ടിനി. ടിനിയുടെ മരണവിവരമറിഞ്ഞ് ഉറ്റവരും മലയാളി സുഹൃത്തുക്കളും ആശുപത്രിയില് എത്തിയിട്ടുണ്ട്. മൃതദേഹം നാട്ടിലേയ്ക്ക് കൊണ്ടുപോകും എന്നാണ് പ്രാഥമിക വിവരം .