ഡല്ഹി: പ്രധാനമന്ത്രി നരേന്ദ്ര മോദിയുടെ സന്ദര്ശനത്തിനു മുന്നോടിയായി തെരവുകളില് വെള്ളംതളിച്ച നടപടിയില് പരിഹാസവുമായി കോണ്ഗ്രസ് ജനറല് സെക്രട്ടറി പ്രിയങ്ക ഗാന്ധി.
അദ്ദേഹം കാവല്ക്കാരനാണോ അതോ ഡല്ഹിയില്നിന്നുള്ള ചക്രവര്ത്തി (ഷെഹന്ഷാ) യാണോ എന്നായിരുന്നു പ്രിയങ്കയുടെ പരിഹാസം.
ഉത്തര്പ്രദേശിലെ ബാന്ദയിലെ തെരുവുകളിലാണ് മോദിയുടെ സന്ദര്ശനത്തിനു മുന്നോടിയായി ടാങ്കറുകളില് എത്തിച്ച് വെള്ളംതളിച്ചത്. വരള്ച്ചാബാധിത മേഖലയായ ബുന്ദേല്ഖണ്ഡിന് തൊട്ടടുത്താണ് ബാന്ദ.
ഈയാഴ്ച മോദി ബാന്ദയില് തെരഞ്ഞെടുപ്പ് പ്രചാരണത്തിന് എത്തുന്നുണ്ട്. ഇതിനെ പരിഹസിച്ചായിരുന്നു പ്രിയങ്കയുടെ ട്വീറ്റ്. തെരുവുകളില് വെള്ളം തളിക്കുന്ന വീഡിയോയും പ്രിയങ്ക ട്വീറ്റ് ചെയ്തു.
ആറാം ഘട്ടത്തില് മേയ് ആറിനാണ് ബാന്ദയില് തെരഞ്ഞെടുപ്പ് നടക്കുന്നത്. വാരാണസിയില് മോദിക്കെതിരേ പ്രതിപക്ഷ സ്ഥാനാര്ഥിയായി പ്രിയങ്ക മത്സരിക്കുമെന്ന അഭ്യൂഹങ്ങള് നിലനില്ക്കുന്നതിനിടെയാണ്, പ്രധാനമന്ത്രിക്കു നേരെ നേരിട്ടു വിമര്ശനം തൊടുത്ത് പ്രിയങ്ക രംഗത്തെത്തുന്നത്.