Advertisment

ഡല്‍ഹിയില്‍ ഭീകരാക്രമണ ശ്രമം പൊളിച്ച് പൊലീസ്; ഐഎസ് ഭീകരന്‍ പിടിയില്‍, ഭീകരനെ പിടികൂടിയത് അതിരൂക്ഷമായ വെടിവയ്പ്പിന് ഒടുവില്‍

New Update

ഡല്‍ഹി : രാജ്യത്ത് ഭീകരാക്രമണം നടത്തുക ലക്ഷ്യമിട്ടെത്തിയ ഐഎസ് ഭീകരനെ ഡല്‍ഹി പൊലീസ് പിടികൂടി. അബ്ദുള്‍ യൂസഫ് ഖാന്‍ എന്നയാളെയാണ് പിടികൂടിയത്. അതിരൂക്ഷമായ വെടിവെപ്പിന് ഒടുവിലാണ് ഡല്‍ഹി ദൗലാ ഖാന്‍ ഏരിയയില്‍ നിന്നും ഭീകരനെ പൊലീസ് പിടികൂടിയത്.

Advertisment

publive-image

ഇയാളില്‍ നിന്നും നിരവധി ആയുധങ്ങളും സ്‌ഫോടകവസ്തുക്കളും കണ്ടെടുത്തിട്ടുണ്ട്. ഇയാള്‍ യുപി സ്വദേശിയാണെന്ന് പൊലീസ് സൂചിപ്പിച്ചു. രഹസ്യ വിവരത്തിന്റെ അടിസ്ഥാനത്തില്‍ നടത്തിയ തിരച്ചിലിലാണ് ഇയാള്‍ പിടിയിലായത്.

പൊലീസിന്റെ സാന്നിധ്യം മനസ്സിലായതോടെ ഇയാള്‍ വെടിയുതിര്‍ത്തു. തുടര്‍ന്ന് നടന്ന ഏറ്റുമുട്ടലിനൊടുവിലാണ് ഭീകരനെ കീഴ്‌പ്പെടുത്തിയതെന്ന് ഡെപ്യൂട്ടി പൊലീസ് കമ്മീഷണര്‍ പ്രമോദ് കുശ്വാഹ അറിയിച്ചു.

രാജ്യ തലസ്ഥാനത്ത് ഭീകരാക്രമണം നടത്തുക, വിഐപികളെ വധിക്കുക തുടങ്ങിയ പദ്ധതികളുമായാണ് ഡല്‍ഹിയിലെത്തിയതെന്ന് പൊലീസ് സൂചിപ്പിച്ചു. ഐഎസ് ഭീകരനെ പിടികൂടിയ പശ്ചാത്തലത്തില്‍ ഡല്‍ഹിയില്‍ സുരക്ഷ ശക്തമാക്കി.

is terrorist
Advertisment