കൊച്ചി: ഡൽഹിയിലെ ജാമിയ മിലിയ സർവകലാശാലയിലെ പോലീസ് നരനായാട്ടിനെതിരെ നടന് പൃഥ്വിരാജ്. വിപ്ലവം എപ്പോഴും സ്വദേശീയമായി തന്നെയാണ് ഉണ്ടാകുന്നതെന്ന് പൃഥ്വി പറഞ്ഞു . ഫേസ്ബുക്കിൽ കുറിപ്പിലൂടെയായിരുന്നു താരത്തിന്റെ പ്രതികരണം.
വിദ്യാര്ഥി പ്രതിഷേധത്തിന്റെ ഫോട്ടോയും "റൈസ്' എന്ന ഹാഷ് ടാഗും കുറിപ്പിനൊപ്പം താരം പങ്കുവച്ചിട്ടുണ്ട്. ഇന്ദ്രജിത്ത്, കുഞ്ചാക്കോ ബോബൻ, ടോവീനോ തോമസ്, ആന്റണി വർഗീസ്, പാർവതി തിരുവോത്ത് എന്നിവരും പ്രതികരണം നടത്തി.
ഡൽഹി പോലീസിനു നേരെ കൈ ചൂണ്ടി നിൽക്കുന്ന ആയിഷ റെന്നയുടെ ചിത്രമാണ് താരങ്ങളിൽ പലരും പങ്കുവച്ചിരിക്കുന്നത്. നേരത്തെ, പ്രതിഷേധിക്കുന്ന വിദ്യാർഥികൾക്കു പിന്തുണയുമായി തെന്നിന്ത്യൻ നടൻ സിദ്ധാർഥ്, നടി അമല പോൾ, ആഷിക് അബു തുടങ്ങിയവർ രംഗത്തെത്തിയിരുന്നു.