ടോക്കിയോ: ജപ്പാനില് കൊറോണ വൈറസ് ബാധയുമായി ബന്ധപ്പെട്ട് രണ്ടാമത്തെ കേസ് റിപ്പോര്ട്ട് ചെയ്തു. വുഹാനില് നിന്നുമെത്തിയ ഒരാള്ക്കാണ് രോഗം സ്ഥിരീകരിച്ചിരിക്കുന്നത്.
ചൈനയില് താമസിക്കുന്ന നാല്പതുകാരന് കഴിഞ്ഞ 19 ന് ആണ് ജപ്പാനില് എത്തിയതെന്ന് ആരോഗ്യമന്ത്രാലയം പ്രസ്താവനയില് പറഞ്ഞു.ചൈനയില്നിന്നു പുറപ്പെടുന്നതിനു ദിവസങ്ങള്ക്ക് മുന്പ് പനിബാധിച്ചിരുന്നു.
എന്നാല് ജപ്പാനിലേക്കുവരുമ്പോള് ആരോഗ്യം വീണ്ടെടുത്തിരുന്നതായി രോഗബാധിതനായ ആള് പറഞ്ഞു. ഇയാള് ഇപ്പോള് ടോക്കിയോയിലെ ആശുപത്രിയില് ചികിത്സയിലാണ്.രോഗബാധ പൊട്ടിപ്പുറപ്പെട്ടെന്നു പറയപ്പെടുന്ന വുഹാനിലെ മാര്ക്കറ്റ് സന്ദര്ശിച്ചിട്ടില്ലെന്നാണ് ഇയാള് അറിയിച്ചിരിക്കുന്നത്.