ന്യൂഡല്ഹി: കൊറോണ വൈറസ് ഭീഷണിയെത്തുടര്ന്ന് ജപ്പാനിലെ യോക്കോഹാമ തുറമുഖത്ത് നങ്കൂരമിട്ടിരിക്കുന്ന ആഡംബരക്കപ്പലായ ഡയമണ്ട് പ്രിന്സസിലെ യാത്രികരില് ഇന്ത്യക്കാരും ഉള്ളതായി റിപ്പോര്ട്ട്.
കപ്പലിലെ 3700 യാത്രക്കാരില് ആറുപേര് ഇന്ത്യക്കാരാണെന്ന് ദേശീയ മാധ്യമമായ ടൈംസ് ഓഫ് ഇന്ത്യ റിപ്പോര്ട്ടു ചെയ്തു. ഇവരില് ആര്ക്കും വൈറസ് ബാധിച്ചിട്ടില്ല.
ഇതിനിടെ, ആഡംബരക്കപ്പലിലെ യാത്രികരില് നടത്തിയ പരിശോധനയില് 61 പേര്ക്ക് രോഗം സ്ഥിരീകരിച്ചു, ഇവരില് വിവിധ രാജ്യക്കാരുണ്ട്. രോഗം സ്ഥിരീകരിച്ചവരെ ചികിത്സയ്ക്കായി ആശുപത്രിയിലേക്കു മാറ്റി.