കേരളം ദേശീയം രാഷ്ട്രപതി തെരഞ്ഞെടുപ്പില് ജെ.ഡി.എസ്: കര്ണാടകയില് മുര്മുവിനൊപ്പം; കേരളത്തില് സിന്ഹക്കും പൊളിറ്റിക്കല് ഡസ്ക് 04 Jul 2022 03:53 IST Follow Us New Update തിരുവനന്തപുരം: കേരളത്തില് എല്.ഡി.എഫിനൊപ്പവും കര്ണാടകയില് ബി.ജെ.പിക്കൊപ്പവും നില്ക്കുക എന്ന പ്രത്യേക രാഷ്ട്രീയ നിലപാടില് ജനതാദള് (സെക്കുലര്). രാഷ്ട്രീയ കുരുക്കില്പെട്ട കേരളഘടകം നടത്തിയ അതിവേഗ രാഷ്ട്രീയ ഇടപെടലാണ് ദള് നേതൃത്വത്തിന്റെ എല്.ഡി.എഫിലെ സ്ഥാനത്തിനുനേരെ ഉയര്ന്നേക്കാവുന്ന ഭീഷണിയെ അകറ്റിയത്. രാഷ്ട്രപതി തെരഞ്ഞെടുപ്പിലെ എച്ച്.ഡി. ദേവഗൗഡയുടെയും മകന് എച്ച്.ഡി. കുമാരസ്വാമിയുടെയും 'ഹിന്ദുത്വ' രാഷ്ട്രീയ താല്പര്യങ്ങളെ പാട്ടിനുവിട്ട് യശ്വന്ത് സിന്ഹയെ പിന്തുണക്കാന് കേരള ഘടകം തീരുമാനിക്കുകയായിരുന്നു. ജെ.ഡി.എസിന്റെ മതേതര നിലപാടില് സംശയം പ്രകടിപ്പിച്ച് ലയനചര്ച്ചയില്നിന്ന് പിന്നാക്കം പോയ എല്.ജെ.ഡി മാറിയ സാഹചര്യത്തില് തുടര്ചര്ച്ചകളിലേക്ക് കടക്കാനും തീരുമാനിച്ചു. കഴിഞ്ഞ വെള്ളിയാഴ്ച ബംഗളൂരുവില് എത്തിയ മാത്യു ടി. തോമസ്, മന്ത്രി കെ. കൃഷ്ണന്കുട്ടി, സി.കെ. നാണു, എ. നീലലോഹിത ദാസന് എന്നിവര് ദേശീയ പ്രസിഡന്റ് എച്ച്.ഡി. ദേവഗൗഡയെ കണ്ട് രാഷ്ട്രപതി തെരഞ്ഞെടുപ്പിലെ സാഹചര്യം വിശദീകരിച്ചു. ബി.ജെ.പി നിര്ദേശിച്ച ദ്രൗപദി മുര്മുവിനെ പിന്തുണക്കാന് സംസ്ഥാന ഘടകം തീരുമാനിച്ചതായി മുന് മുഖ്യമന്ത്രി കുമാരസ്വാമി പ്രസ്താവിച്ചിരുന്നു. കേരളത്തില് ഇടതു മന്ത്രിസഭയില് പങ്കാളിയാണ് ജെ.ഡി.എസ്. ഈ നിലയില് കര്ണാടകത്തില് സ്വീകരിച്ച നിലപാടിനൊപ്പം നില്ക്കാന് ബുദ്ധിമുട്ടുണ്ടെന്ന് നേതാക്കള് വിശദീകരിച്ചു. Read More Advertisment Read the Next Article