മുംബൈ: റിലയന്സ് ജിയോ സൗജന്യ വോയ്സ് കോള് സേവനം അവസാനിപ്പിച്ചു. ജിയോയില്നിന്നു മറ്റ് നെറ്റ്വര്ക്കുകളിലേക്കുള്ള കോളുകള്ക്ക് ജിയോ ഉപയോക്താക്കള് ഇനി മിനിറ്റിന് ആറു പൈസ നല്കേണ്ടി വരും.
ട്രായ് ഐയുസി (ഇന്റര്കണക്ട് യുസേജ് ചാര്ജ്) നിബന്ധന കര്ശനമാക്കിയതോടെയാണു മറ്റു നെറ്റ്വര്ക്കുകളിലേക്കുള്ള കോളുകള്ക്ക് ജിയോ ഉപഭോക്താക്കളും പണം നല്കേണ്ട സാഹചര്യം ഉടലെടുത്തത്. വോയ്സ് കോളുകള്ക്കായി കന്പനി പുതിയ ടോപ്അപ് വൗച്ചറുകള് അവതരിപ്പിച്ചിട്ടുണ്ട്.
അതേസമയം, ജിയോ നെറ്റ്വര്ക്കിലേക്കുള്ള വോയ്സ് കോളുകളും ഇന്കമിംഗ് കോളുകളും സൗജന്യമായി തുടരും. 2017-ല് ട്രായ് ഐയുസി മിനിറ്റിന് 14 പൈസയില്നിന്ന് ആറ് പൈസയാക്കി കുറച്ചിരുന്നു. 2020 ജനുവരിയില് ഇത് പൂര്ണമായി അവസാനിപ്പിക്കുമെന്നു ട്രായ് വ്യക്തമാക്കിയിട്ടുണ്ട്.
ആദ്യമായാണു ജിയോ ഉപയോക്താക്കള് വോയ്സ് കോളുകള്ക്ക് പണം നല്കുന്നത്. നിലവില് ഡാറ്റയ്ക്കു മാത്രമാണു ജിയോ പണം ഈടാക്കിയിരുന്നത്.