വാഷിംഗ്ടണ് ഡിസി: സെപ്റ്റംബർ 11ലെ ഭീകരാക്രമണത്തിൻറെ ഇരുപതാം വാർഷികത്തോടെ അഫ്ഗാനിസ്ഥാനിൽ നിന്നും അമേരിക്ക എല്ലാ സൈനികരേയും പിൻവലിക്കുമെന്ന് പ്രസിഡൻറ് ജോ ബൈഡൻ പ്രഖ്യാപിച്ചു. ഇത് സംബന്ധിച്ച് ഔദ്യോഗിക സ്ഥിരീകരണം ബുധനാഴ്ചയുണ്ടാകുമെന്നാണ് പ്രതീക്ഷിക്കുന്നത്.
കഴിഞ്ഞ വർഷം ട്രംപ് ഭരണകൂടം ഒപ്പുവെച്ച താലിബാനുമായുള്ള കരാറിൽ മെയ് മാസത്തോടെ സൈന്യത്തെ പിൻവലിക്കാമെന്ന് നിശ്ചയിച്ചിരുന്നു. ഇതാണ് ബൈഡൻ സെപ്റ്റംബർ വരെ നീട്ടിയത്.