Advertisment

റോ​യി​യ​ട​ക്കം ആ​റു​പേ​രേ​യും കൊ​ല​പ്പെ​ടു​ത്തി​യ​ത് ഞാന്‍ തന്നെ , പറ്റിപ്പോയി ; കേ​സി​ൽ നി​ന്ന് ര​ക്ഷ​പ്പെ​ടാ​ൻ സ​ഹാ​യി​ക്ക​ണ​മെ​ന്ന് ജോളി പറഞ്ഞിരുന്നു ; സഹോദരന്മാരുടെ രഹസ്യമൊഴി

New Update

കോ​ഴി​ക്കോ​ട് : കു​ട​ത്താ​യ് കൊ​ല​പാ​ത​ക പ​ര​മ്പ​ര കേ​സി​ൽ മു​ഖ്യ പ്ര​തി ജോ​ളി​യു​ടെ ര​ണ്ട് സ​ഹോ​ദ​ര​ന്മാ​രു​ടെ ര​ഹ​സ്യ​മൊ​ഴി രേ​ഖ​പ്പെ​ടു​ത്തി. ആ​ദ്യ ഭ​ർ​ത്താ​വ് റോ​യ് തോ​മ​സി​ന്‍റെ കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് ഇ​വ​രു​ടെ മൊ​ഴി രേ​ഖ​പ്പെ​ടു​ത്ത​ണ​മെ​ന്ന ക്രൈം​ബ്രാ​ഞ്ച് ഡി​വൈ​എ​സ്പി ആ​ർ. ഹ​രി​ദാ​സി​ന്‍റെ അ​പേ​ക്ഷ പ്ര​കാ​ര​മാ​ണ് കോ​ഴി​ക്കോ​ട് ജു​ഡീ​ഷൽ ഒ​ന്നാം​ക്ലാ​സ് മ​ജി​സ്ട്രേ​ട്ട് കോ​ട​തി-​നാ​ല് ര​ഹ​സ്യ​മൊ​ഴി ന​ൽ​കാ​ൻ നോ​ട്ടീ​സ​യ​ച്ച​ത്.

Advertisment

publive-image

ജോ​ളി​യു​ടെ ഏ​റ്റ​വും മൂ​ത്ത സ​ഹോ​ദ​ര​ൻ ജോ​സ്, മ​റ്റൊ​രു സ​ഹോ​ദ​ര​ൻ ബാ​ബു എ​ന്നി​വ​രാ​ണ് ക്രി​മി​ന​ൽ ന​ട​പ​ടി​ച്ച​ട്ടം 164 വ​കു​പ്പ് പ്ര​കാ​രം ര​ഹ​സ്യ മൊ​ഴി ന​ൽ​കി​യ​ത്. പോ​ലീ​സ് കൂ​ട​ത്താ​യ്, കോ​ട​ഞ്ചേ​രി പ​ള്ളി സെ​മി​ത്തേ​രി​ക​ളി​ലെ ക​ല്ല​റ​ക​ൾ പൊ​ളിക്കു​ന്ന​തി​ന് ര​ണ്ട് ദി​വ​സം മു​ൻ​പ് ഇ​ടു​ക്കി ക​ട്ട​പ്പ​ന​യി​ലെ വീ​ട്ടി​ലെ​ത്തി​യ ജോ​ളി കൊ​ല​പാ​ത​ക​ങ്ങ​ൾ സം​ബ​ന്ധി​ച്ച വി​വ​ര​ങ്ങ​ൾ വെ​ളി​പ്പെ​ടു​ത്തി​യി​രു​ന്ന​താ​യി സ​ഹോ​ദ​ര​ന്മാ​ർ നേ​ര​ത്തെ പോ​ലീ​സി​ന് മൊ​ഴി ന​ൽ​കി​യി​രു​ന്നു.

ഭ​ർ​ത്താ​വ് റോ​യി​യ​ട​ക്കം ആ​റു​പേ​രേ​യും കൊ​ല​പ്പെ​ടു​ത്തി​യ​ത് താ​നാ​ണെ​ന്നും പ​റ്റി​പ്പോ​യെ​ന്നും തു​റ​ന്നു സ​മ്മ​തി​ച്ച ജോ​ളി കേ​സി​ൽനി​ന്ന് ര​ക്ഷ​പ്പെ​ടാ​ൻ സ​ഹാ​യി​ക്ക​ണ​മെ​ന്ന് അ​ഭ്യ​ർ​ഥി​ച്ച​താ​യും സ​ഹോ​ദ​ര​ങ്ങ​ൾ പോ​ലീ​സി​ന് മൊ​ഴി ന​ൽ​കി​യി​രു​ന്നു.

വീ​ഡി​യോ​വി​ൽ ചി​ത്രീ​ക​രി​ച്ച മൊ​ഴി പി​ന്നീ​ട് കേ​സി​ന്‍റെ വി​ചാ​ര​ണ വേ​ള​യി​ൽ മാ​റ്റി പ​റ​യാ​തി​രി​ക്കു​ന്ന​തി​നാ​ണ് മ​ജി​സ്ട്രേ​ട്ടി​നു മു​മ്പാ​കെ ര​ഹ​സ്യ​മൊ​ഴി രേ​ഖ​പ്പെ​ടു​ത്തി​യ​ത്. മൊ​ഴി ന​ൽ​കി​യി​ല്ലെ​ങ്കി​ൽ കൊ​ല​പാ​ത​ക ര​ഹ​സ്യം ഒ​ളി​പ്പി​ച്ചു എ​ന്ന കു​റ്റ​ത്തി​ന് ഇ​രു​വ​ർ​ക്കു​മെ​തി​രെ കേ​സെ​ടു​ക്കാ​നാ​കും.

Advertisment