തിരുവനന്തപുരം: ജോസ് കെ മാണിയെ കേരള കോണ്ഗ്രസ് എം ചെയര്മാനായി തെരഞ്ഞെടുത്ത നടപടിയില് സ്റ്റേ. തൊടുപുഴ മുന്സിഫ് കോടതിയാണ് നടപടി സ്റ്റേ ചെയ്തത്.
ഇനിയൊരു ഉത്തരവുണ്ടാകുന്നതുവരെയാണ് സ്റ്റേ. ജോസഫ് വിഭാഗം നേതാക്കള് നല്കിയ ഹര്ജിയിലാണ് സ്റ്റേ അനുവദിച്ചത്.
കഴിഞ്ഞ ദിവസം നടന്ന കേരള കോണ്ഗ്രസ് സംസ്ഥാന സമിതി യോഗത്തിലാണ് ജോസ് കെ മാണിയെ ചെയര്മാനായി നിശ്ചയിച്ചത്. പാര്ലമെന്ററി പാര്ട്ടി നേതാവിനെ തീരുമാനിക്കാന് കേരള കോണ്ഗ്രസ് എം നേരത്തെ സ്പീക്കറോട് സാവകാശം തേടിയിരുന്നു.