ആലപ്പുഴ: കേരള ജേർണലിസ്റ്റസ് യൂണിയന്റെ സംസ്ഥാന കൗൺസിൽ അംഗവും ജേർണലിസ്റ്റസ് ന്യൂസിന്റെ പ്രിന്ററും പബ്ളീഷറുമായ ബൻസി ലാൽ .ഇ. ഹൃദയാഘാതത്തെ തുടർന്ന് അന്തരിച്ചു.
ഇന്ന് ഉച്ചകഴിഞ്ഞ് രണ്ടുമണിയോടെ ആലപ്പുഴ മെഡിക്കൽ കോളജ് ആശുപത്രിയിൽ ആയിരുന്നു അന്ത്യം. ശാരീരിക അവശതയെ തുടര്ന്ന് ഇന്നലെ വൈകിട്ട് ആശുപത്രിയിൽ പ്രവേശിപ്പിച്ച ബൻസിയുടെ ആരോഗ്യ നില ഇന്ന് ഉച്ചയോടെ പെട്ടെന്ന് മോശമാവുകയും മരണം സംഭവിക്കുകയും ആയിരുന്നു.
എഴുത്തിലും മലയാള ഭാഷാ സാംസ്ക്കാരിക രംഗത്തെ പ്രധാന കൂട്ടായ്മകളിലും സജീവമായിരുന്നു. ബൻസിയുടെ നിര്യാണത്തിൽ ഇന്ത്യൻ ജേർണലിസ്റ്റ് യൂണിയൻ ദേശീയ സെക്രട്ടറി വി.ബി.രാജൻ അഗാധമായ ദു:ഖം രേഖപ്പെടുത്തി.