ആലപ്പുഴ: യുവതി ആറ്റില് ചാടി ആത്മഹത്യക്ക് ശ്രമിച്ചു. ഒന്നര കിലോമീറ്ററോളം ഒഴുകിയ യുവതിയെ രക്ഷപെടുത്തി. മാലക്കര സ്വദേശിനി 26 കാരിയാണ് ഞായറാഴ്ച രാവിലെ ആറോടെ ആറാട്ടുപുഴ പാലത്തില്നിന്ന് ചാടിയത്.
മൂന്നു മാസം മുന്പാണ് യുവതിയുടെ വിവാഹം കഴിഞ്ഞത്. വഴക്കിട്ടു വീടുവിട്ടിറങ്ങിയ യുവതി പമ്പയാറ്റില് ചാടി ആത്മഹത്യക്ക് ശ്രമിക്കുകയായിരുന്നു.
ഒന്നര കി.മീ. അകലെ ഇടനാട് പാലത്തിനു സമീപത്തെ പുറത്തോത്ത് കടവില് യുവതി മുങ്ങിത്താഴുന്നത് കണ്ട് സമീപവാസികള് നിലവിളിച്ചതു കേട്ട് ഓടി എത്തിയ ഇടനാട് പുറത്തോത്ത് വീട്ടില് രാജഗോപാലന് മക്കളായ അജിത് രാജ്, അരുണ് രാജ് എന്നിവര് ചേര്ന്നാണ് യുവതിയെ രക്ഷപ്പെടുത്തിയത്.
നാട്ടുകാര് വിവരം അറിയിച്ചതിതിനെ തുടര്ന്ന് പോലീസും അഗ്നിരക്ഷാസേനയും സ്ഥലത്തെത്തി. വിശദമായ ചോദ്യം ചെയ്യലിന് ശേഷം യുവതിയെ വീട്ടുകാര്ക്കൊപ്പം വിട്ടയച്ചു.