തിരുവനന്തപുരം: മരം മുറി വിഷയത്തില് നിന്നും ശ്രദ്ധതിരിക്കുന്നതിന്റെ ഭാഗമായാണ് മുഖ്യമന്ത്രി കെ സുധാകരനെതിരെ രംഗത്തുവന്നതെന്ന് കെ മുരളീധരന് എംപി. വാര്ത്താ സമ്മേളനത്തില് 50 വര്ഷത്തെ ചരിത്രം പറയേണ്ട ആവശ്യമില്ല. ഊരിപ്പിടിച്ച വാളുമായല്ല, ഊരിപ്പിടിച്ച മഴുവുമായാണ് മുഖ്യമന്ത്രി ഇപ്പോള് നടക്കുന്നതെന്നും മുരളീധരന് പരിഹസിച്ചു.
'മരം മുറിയില് മൊത്തം അഴിമതിയാണ്. എവിടെയൊക്കെ കാടുണ്ടോ അതെല്ലാം വെട്ടാന് ശ്രമിച്ചിട്ടുണ്ട്. കുറേ വെട്ടിക്കടത്തിയിട്ടുമുണ്ട്. മുമ്പ് മുഖ്യമന്ത്രി ഊരിപ്പിടിച്ച വാളിന് ഇടയില്ക്കൂടി നടന്നു എന്നല്ലേ പറയുന്നത്.
ഇപ്പോള് ഉയര്ത്തിപ്പിടിച്ച മഴുവുമായി കാണുന്ന മരം മുഴുവന് വെട്ടിക്കൊണ്ടു പോകുന്നു. അതാണ് രണ്ടാം പിണറായി സര്ക്കാരിന്റെ അവസ്ഥ.' മരംമുറി പോലുള്ള സംഭവങ്ങളില് നിന്ന് ശ്രദ്ധ തിരിച്ചുവിടാനുള്ള ശ്രമമാണിതെന്നും മുരളീധരന് മാധ്യമപ്രവര്ത്തകരോട് പറഞ്ഞു.