തിരുവനന്തപുരം: കളയിക്കാവിള കൊലപാതക കേസില് ഗുഡാലോചനയിൽ പങ്കുള്ള സെയ്ദ് അലി പിടിയിൽ.
മുഖ്യപ്രതികള്ക്ക് ആവശ്യമായ സഹായങ്ങള് നല്കിയ സെയ്ദ് അലിയാണ് പിടിയിലായത്. തിരുവനന്തപുരം പാളയത്ത് നിന്ന് ക്യൂ ബ്രാഞ്ചാണ് ഇയാളെ പിടികൂടിയത്.
മുഖ്യപ്രതികളായ തൗഫീഖുമായും മുഹമ്മദ് ഷെമീമുമായും അടുത്ത ബന്ധമുള്ള സെയ്ദ് അലിക്ക് ഗൂഡാലോചനയില് നേരിട്ട് പങ്കുണ്ടെന്നാണ് പോലീസിന്റെ കണ്ടെത്തല്.
ഇയാള് ഏര്പ്പാടാക്കി നല്കിയ വാടക വീട്ടില് വച്ചാണ് കൊലപാതകം ആസൂത്രണം ചെയ്തതെന്നാണ് സംശയിക്കുന്നത്. കേസ് എന്ഐഎ ഏറ്റെടുത്തിരുന്നു. സെയ്ദ് അലിയെയും എന്ഐഎ സംഘത്തിന് ഉടന് കൈമാറും.