കനൽ (കവിത)

കാലം പോയ് മറയുന്നു

കരകൾ തിര കവരുന്നു

കാലിടറുന്നീ മണ്ണിൽ

കനിവൊരു തീ നാളം പോൽ

കനലായ് എരിയുന്നു

പകലൊരു പടവിന്മേൽ

പലവുരു മറ തേടുന്നു

പതിവായൊരു പഴിയെല്ലാം

പകലിന്നൊരു പുതു സുഖം

പുലരിയ്ക്കൊരു പുതു മുഖം

ചരിവോരൊത്തൊരു ചോപ്പിൽ

ചീവീടുകൾ പെരുകുമ്പോൾ

ചായുന്നോരു പൊൻ സൂര്യൻ

ചില നേരത്തെവിടേയ്ക്കോ

ചിത തേടി പോകുന്നു

പകലൊരു തീനാളം പോൽ

കനിവിന്റെ പുലരിയ്ക്കായ്

ചായുന്നീ താഴ്വരയിൽ

ജയ് പിള്ള