'തുടങ്ങിയിട്ടേയുള്ളൂ അമിത്ഷാ, ഈ രാജ്യത്തെ മനസിലാക്കിക്കോളൂ' ; പൊലീസ് കസ്റ്റഡിയിൽ നിന്ന് വിട്ടയച്ച ഉടന്‍ ട്വിറ്റുമായി കണ്ണന്‍ ഗോപിനാഥന്‍ ; തീപ്പന്തവുമായി കണ്ണനെ വരവേറ്റ് പുറത്തിറക്കി കൊണ്ടുപോയത് നൂറുകണക്കിന് വിദ്യാര്‍ത്ഥികള്‍ !

ഡല്‍ഹി : പൗരത്വ നിയമ ഭേദഗതിക്കെതിരെ സംഘടിപ്പിച്ച ലോംഗ് മാർച്ചിൽ പങ്കെടുക്കാനെത്തിയ മുൻ ഐ.എ.എസ് ഉദ്യോഗസ്ഥൻ കണ്ണൻ ഗോപിനാഥനെ പൊലീസ് കസ്റ്റഡിയിൽ നിന്ന് വിട്ടയച്ചു.

വിദ്യാർത്ഥികളുടെ പ്രതിഷേധത്തിനൊടുവിലാണ് കണ്ണൻ ഗോപിനാഥനെ പൊലീസ് മോചിപ്പിച്ചത്. നൂറുകണക്കിന് വിദ്യാര്‍ഥികള്‍ പൊലിസ് സ്റ്റേഷനില്‍ പ്രതിഷേധവുമായി എത്തിയതോടെയാണ് പൊലീസിന് മുട്ടുമടക്കേണ്ടി വന്നത്.

തീപ്പന്തവുമേന്തി നൂറു കണക്കിന് വിദ്യാർത്ഥികൾ അദ്ദേഹത്തെ തോളിലേറ്റിയാണ് പുറത്തിറക്കിക്കൊണ്ടുപോയത്. 'തുടങ്ങിയിട്ടേയുള്ളൂ അമിത്ഷാ, ഈ രാജ്യത്തെ മനസിലാക്കിക്കോളൂ'- പുറത്തിറങ്ങിയ ഉടനെ കണ്ണൻ ഗോപിനാഥൻ ട്വീറ്റ് ചെയ്തു.